بالی ووڈ اداکارہ اور ماڈل گوہر خان نے اپنی زندگی کے ایک انتہائی تکلیف دہ مرحلے سے پردہ اٹھاتے ہوئے بتایا ہے کہ شادی کے بعد پہلے حمل کا گر جانا سب سے بڑا دکھ ہے جو آج دو بچے ہونے کے باجود تازہ دم لگتا ہے۔
ان خیالات کا اظہار 43 سالہ گوہر خان نے اداکارہ پرینیتی چوپڑا کے ایک شو ’’ماں کی بات ماں کے جذبات‘‘ میں گفتگو کرتے ہوئے کہی۔ گوہر نے شوہر زید دربار کے ساتھ اپنی نجی زندگی کے اس مشکل تجربے پر کھل کر گفتگو کی۔
اداکارہ گوہر خان نے بتایا کہ مجھے اور شوہر زید کو حمل کے دوران الٹراساؤنڈ میں بچے کی دھڑکن بھی سنائی دے چکی تھی اس لیے اسقاطِ حمل کی خبر ہم دونوں کے لیے انتہائی تکلیف دہ تھی۔
ماڈل و اداکارہ گوہر خان کے بول کبھی سوچا نہی تھا، پہلا حمل یوں ضائع ہوجائے گا۔ اس واقعے کو بھلانا آسان نہیں تھا اور آج بھی ہم دونوں اس بارے میں بات کرتے ہیں کیونکہ یہ ان کی زندگی کا ایسا تجربہ ہے جسے کوئی فراموش نہیں کرسکتا۔
گوہر خان نے اس لمحے کو یاد کرتے ہوئے کہا کہ جب زید کو حمل کے ضائع ہونے کے بارے میں بتایا تو وہ کچھ دیر کے لیے جیسے سکتے میں چلے گئے لیکن اس خبر نے انھیں بھی اندر سے ہلا دیا تھا۔
گوہر خان نے بتایا کہ زید کو فوری طور پر سمجھ نہیں آرہا تھا کہ کیا ہوا ہے وہ بار بار ’کیا؟‘ کہتے رہے جبکہ میں خود بھی جذبات پر قابو نہ رکھ سکیں اور پھوٹ پھوٹ کر رو پڑی تھی، یہ غم آج بھی تازہ ہے۔
اداکارہ اور ماڈل کا ابھی امتحان ختم نہیں ہوا تھا کیوں کہ حمل ضائع ہونے اس مشکل تجربے کے بعد گوہر خان کو نہ صرف ایک طبی عمل سے گزرنا پڑا بلکہ اگلے ہی روز شوٹنگ پر جانا پڑا تھا۔
گوہر خان نے تسلیم کیا کہ اس صدمے سے باہر نکلنے میں انہیں کافی وقت اور حوصلہ درکار تھا۔ زید نے بھی مشکل وقت میں حوصلہ بڑھایا اور یقین دلایا کہ مستقبل میں دوبارہ بچے کے لیے کوشش کریں گے۔
اس تکلیف دہ تجربے کے بعد گوہر خان اور زید دربار کے یہاں مئی 2023 میں بیٹے زیہان کی پیدائش ہوئی بعد ازاں دوسرے بیٹے فروان کی بھی پیدائش ہوئی جس کی حال ہی میں پہلی سالگرہ منائی گئی۔
گوہر خان نے اپنی کہانی بیان کرتے ہوئے اس بات پر بھی زور دیا کہ زندگی کے مشکل ترین تجربات کے باوجود امید اور مثبت سوچ انسان کو آگے بڑھنے کی طاقت دیتی ہے۔
