اقوام متحدہ کی 81 ویں جنرل اسمبلی سے خطاب کرتے ہوئے میکرون نے کہا کہ غزہ میں امن کے دعووں نے انسانی ہمدردی کی رسائی کو بحال کرنے میں کردار ادا نہیں کیا.
فرانسیسی صدر نے اس صورت حال کو "ہم سب کیلئے شرمندگی" قرار دیا۔
انہوں نے مغربی کنارے میں ہونے والی خلاف ورزیوں کی بھی مذمت کی اور کہا کہ ان سے فلسطینیوں کے جائز حقوق اور اسرائیل کی اپنی سلامتی کو نقصان پہنچ رہا ہے۔
دوسری جانب نیتن یاہو کے دفتر نے میکرون کے اس دعوے کو مسترد کر دیا کہ حماس نے مغربی کنارے میں کبھی تشدد نہیں کیا، اسرائیل نے ان کے ریمارکس کو مضحکہ خیز قرار دیتے ہوئے کہا کہ گروپ کے ارکان نے وہاں اسرائیلی شہریوں پر حملہ کر کے انہیں ہلاک کیا۔
اسرائیلی حکام نے میکرون پر جھوٹ بولنے کا الزام لگایا اور اسرائیلی بستیوں کی تعمیر اور مضبوطی جاری رکھنے کا عہد کیا۔
انہوں نے کہا کہ ایک مضبوط مذہبی صہیونیت تحریک فلسطینی ریاست کے قیام اور بستیوں کو ختم کرنے سے روکے گی۔
اسرائیل کے اقوام متحدہ کے سفیر ڈینی ڈینن نے بھی میکرون کی سرزنش کی۔
