ایشین گیمز کے مینز کرکٹ ایونٹ کے فائنل میں بھارت نے پاکستان کیخلاف ٹاس جیت کر پہلے بیٹنگ کرنے کا فیصلہ کیا ہے۔
نشین میں کھیلے جارہے میچ میں بھارت کے سوریا ونشی (15) اور سنجو سیمسن (2) جلد آؤٹ ہوگئے تاہم ایک اینڈ سے ابھیشیک شرما کی جارحانہ بیٹنگ جاری ہے۔
سوریا ونشی کو صائم ایوب نے قابو کیا جبکہ سنجو سیمسن احمد دانیال کا شکار بنے۔
پانچویں اوور میں ابھیشیک شرما اور شریاس ایئر کو مواقع بھی ملے جب صائم ایوب نے تین گیندوں پر دو کیچز ڈراپ کردیے۔
تاہم آٹھویں اوور میں ابھیشیک شرما 93 کے مجموعی اسکور پر 28 گیندوں پر 61 رنز بناکر اسٹمپڈ آؤٹ ہوگئے۔
بھارت نے ابتدائی 9 اوورز میں 3 وکٹوں کے نقصان پر 103 رنز بنالیے ہیں۔
واضح رہے کہ اس بڑے ٹاکرے کے ٹاس کے موقع پر بھارتی کپتان نے ایک مرتبہ پھر کھیل کو سیاست زدہ کرتے ہوئے پاکستانی کپتان سے ہاتھ ملانے سے گریز کیا۔
