پاکستان نے سری لنکا کو دوسرے ٹی ٹوئنٹی میچ میں 82 رنز سے شکست دے کر سیریز جیت لی۔
راولپنڈی کرکٹ اسٹیڈیم میں کھیلے گئے میچ میں سری لنکا کی ٹیم 216 رنز کے تعاقب کرتے ہوئے مقررہ 20 اوورز میں 7 وکٹوں کے نقصان پر 133 رنز بنا سکی۔
مہمان ٹیم کی جانب سے مہیش ٹھیکشانا ناٹ آؤٹ 32 رنز بنا کر نمایاں رہے۔ دیگر بلے بازوں میں چمندو وکرماسِنگھے 29، کمنڈو مینڈس 23، سِنیتھ جایا وردنا 22، داسن شناکا 9، کپتان کوشل مینڈس 9، لہیرو اُڈارا 5 اور ساہان آرکاچگے 0 کے انفرادی اسکور پر آؤٹ ہوئے۔
پاکستان کی جانب سے محمد عمرا نے 3 اور سلمان مرزا نے 2 وکٹیں حاصل کیں۔ صائم ایوب اور شاداب خان نے 1، 1 کھلاڑی آؤٹ کیا۔
اس سے قبل سری لنکا کی دعوت پر پہلے بیٹنگ کرتے ہوئے پاکستان نے مقررہ 20 اوورز میں 3 وکٹون کے نقصان پر 215 رنز اسکور کیے۔
میزبان ٹیم کی جانب سے معاذ صداقت 96 رنز بنا کر نمایاں رہے۔ کپتان صاحبزادہ فرحان 73اور فخر زمان 22 رنز بنا کر آؤٹ ہوئے۔
حسن نواز 19 رنز کے ساتھ ناٹ آؤٹ پویلین لوٹے۔
سری لنکا کی جانب سے داسن شناکا ، ایشان ملنگا اور مہیش ٹھیکشانا نے 1، 1 کھلاڑی آؤٹ کیا۔
