سہ ملکی سیریز کے پانچویں میچ میں سری لنکا نے پاکستان کیخلاف ٹاس جیت کر پہلے بولنگ کرنے کا فیصلہ کیا ہے۔
لاہور میں کھیلے جارہے میچ میں سری لنکن کپتان نے کہا کہ رات میں اوس پڑنے کی وجہ سے پہلے بولنگ کرنے کا فیصلہ کیا ہے۔
پاکستانی کپتان شاہین آفریدی نے کہا کہ وہ بھی پہلے بولنگ کرنا چاہتے تھے، کوشش کریں گے کہ 300 رنز کا ہدف دیں۔
انگلینڈ کے خلاف ون ڈے کی تاریخ کا دوسرا بڑا ہدف حاصل کرنے والی سری لنکن ٹیم میں کوئی تبدیلی نہیں کی گئی جبکہ ناقابل شکست پاکستان ٹیم دو تبدیلیوں کے ساتھ میدان میں اترے گی۔
قومی ٹیم میں صائم ایوب اور رضا اللہ کی جگہ معاذ صداقت اور نسیم شاہ کو شامل کیا گیا ہے۔
واضح رہے کہ پاکستان پہلے ہی سہ فریقی سیریز کے فائنل کے لیے کوالیفائی کرچکا ہے۔
