بران بریڈ کو وائٹ بریڈ سے بہتر سمجھنے والے یہ حقیقت جان لیں

---

ناشتے میں ڈبل روٹی کھانا بہت سے لوگوں کی روٹین ہے لیکن کیا آپ جانتے ہیں کہ بران اور وائٹ ڈبل روٹی میں سے کون سی صحت کے لیے زیادہ فائدہ مند ہو سکتی ہے؟

دونوں اقسام کی ڈبل روٹی میں بنیادی فرق فائبر، غذائیت اور نظامِ ہاضمہ پر ان کے اثرات کا ہوتا ہے۔

بران بریڈ کی خصوصیات و فوائد

چوکر والی ڈبل روٹی میں عموماً فائبر زیادہ ہوتا ہے، جو نظامِ ہاضمہ بہتر رکھنے اور قبض سے بچاؤ میں مددگار ثابت ہو سکتا ہے۔

اس کے علاوہ فائبر پیٹ کو زیادہ دیر تک بھرا رکھنے میں مدد دیتا ہے جبکہ زیادہ فائبر والی ڈبل روٹی خون میں شوگر کی سطح نسبتاً آہستہ بڑھا سکتی ہے۔

وائٹ بریڈ

وائٹ ڈبل روٹی عموماً ریفائنڈ آٹے سے تیار کی جاتی ہے، جس میں فائبر کی مقدار کم ہوتی ہے۔

یہ نسبتاً جلد ہضم ہو سکتی ہے، زیادہ دیر تک پیٹ بھرے رہنے کا احساس نہیں دیتی اور خون میں شوگر کی سطح تیزی سے بڑھا سکتی ہے۔

کون سی ڈبل روٹی کا انتخاب کریں؟

روزمرہ استعمال کے لیے 100 فیصد مکمل گندم سے تیار کردہ یا زیادہ فائبر والی چوکر کی ڈبل روٹی بہتر انتخاب ہو سکتی ہے۔

تاہم ماہرین کے مطابق ہر بھورے رنگ کی ڈبل روٹی لازماً صحت بخش نہیں ہوتی، کیونکہ بعض اقسام میں صرف رنگ تبدیل کرنے والے اجزا شامل کیے جاتے ہیں۔

اس لیے ڈبل روٹی خریدتے وقت پیکنگ پر اجزا کی فہرست ضرور دیکھیں اور مکمل گندم کے آٹے یا ہول گرین کو بنیادی جزو کے طور پر ترجیح دیں۔