وزیراعلیٰ پنجاب مریم نواز شریف نے کوٹ ادو میں دریائے سندھ کے کنارے قائم ٹی ڈی سی پی ڈولفن ریزورٹ کا باقاعدہ افتتاح کردیا۔ 120 کنال رقبے پر تعمیر کیے گئے اس ریزورٹ کو عالمی معیار کی سیاحتی سہولتوں سے آراستہ کیا گیا ہے۔
وزیراعلیٰ مریم نواز کا کہنا ہے کہ سیاح اب صبح کی چائے کے ساتھ نایاب اندھی ڈولفن کو دریائے سندھ میں اچھلتے دیکھ سکیں گے۔ ریزورٹ میں لگژری ہاسپیٹیلٹی، ڈائننگ اور وائلڈ لائف کنزرویشن کی سہولتیں بھی فراہم کی گئی ہیں۔
ان کا کہنا تھا کہ ’’میگنیفیسنٹ پنجاب‘‘ وژن کے تحت یہ منصوبہ جنوبی پنجاب میں سیاحت کو فروغ دے گا، جبکہ تونسہ بیراج ریزورٹ پاکستان کے قدرتی ورثے کو دنیا کے سامنے متعارف کرانے میں اہم کردار ادا کرے گا۔
