بھارتی کرکٹ اسٹار ویرات کوہلی نیوزی لینڈ کے خلاف چوتھے ون ڈے میں بڑی اننگز کھیلنے میں ناکام رہے تاہم میچ کے بعد انہوں نے ایسا خوبصورت اقدام کیا جس نے شائقین کرکٹ کی توجہ حاصل کرلی۔
سابق بھارتی کپتان نے انہیں صفر پر آؤٹ کرنے والے نیوزی لینڈ کے فاسٹ بولر میٹ ہنری کو اپنی جرسی تحفے میں دے دی۔
ماؤنٹ مونگانوئی میں کھیلے گئے مقابلے میں میٹ ہنری نے تباہ کن بولنگ کرتے ہوئے صرف 27 رنز دے کر 6 وکٹیں حاصل کیں۔
انہوں نے بھارتی اننگز کے پہلے ہی اوور میں روہت شرما، ویرات کوہلی اور شریاس ائیر کو آؤٹ کرکے اوور ہیٹ ٹرک مکمل کی اور ٹیم کو مشکلات سے دوچار کردیا۔
اس سے قبل نیوزی لینڈ نے ول ینگ کی شاندار 125 رنز کی اننگز کی بدولت 333 رنز بنائے تھے جبکہ ٹم سائیفرٹ نے 58 رنز اسکور کیے۔
جواب میں بھارتی ٹیم محض 89 رنز پر ڈھیر ہوگئی اور اسے 244 رنز سے شکست کا سامنا کرنا پڑا۔
اگرچہ بھارت کو اس مقابلے میں بھاری شکست ہوئی لیکن کوہلی کی جانب سے میٹ ہنری کو جرسی کا تحفہ دینا کھیل کے میدان میں باہمی احترام کی خوبصورت مثال بن گیا۔
