نائیجیریا میں بوکوحرام کے ہاتھوں کیمرون کی سرحد پر 62 افراد قتل

نائیجیریا میں شدت پسندگروہ بوکوحرام نے ایک سرحدی شہر گامبارونگالا کے 62 افراد کو قتل کردیا۔


فرانسیسی خبررساں ادارے کے مطابق گزشتہ روزعینی شاہدین نے بتایا کہ بوکوحرام کے اراکین نے انھیں کیمرون سے ملنے والی سرحدکے قریب موت کے گھاٹ اتارا۔ رپورٹ کے مطابق بوکوحرام نے رواں ہفتے کے دوران گامبارونگالا کی سیکیورٹی فورسز کے اہلکاروں کے ساتھ جھڑپ کے بعد شہر کے سیکیورٹی مراکز کو ہاتھ میں لے کر شہر پر مکمل طور پر قبضہ کرلیا۔ ایک اورعینی شاہد کا کہنا تھا کہ بوکو حرام کے مسلح افراد آسانی کے ساتھ گامبارو باشندوں کو قتل کردیتے ہیں اور مظالم کا ارتکاب کرتے ہیں۔

واضح رہے کہ 2009 میں سامنے آنے والایہ گروہ نائیجیریا کے لیے بڑے سیکیورٹی خطرے میں بدل چکا ہے۔