دھابے جی پمپنگ اسٹیشن پر بجلی کے بریک ڈاؤن کے باعث کراچی کو پانی کی فراہمی معطل

دھابے جی پمپنگ اسٹیشن پر بجلی کے طویل بریک ڈاؤن کے باعث شہر کو پانی کی فراہمی معطل ہوگئی ہے۔


ترجمان واٹربورڈ کے مطابق کراچی کو پانی سپلائی کرنے والے دھابے جی پمپنگ اسٹیشن پر بجلی کے طویل بریک ڈاؤن کے باعث شہر کے 90 فیصد علاقوں میں پانی کی فراہمی معطل ہوگئی ہے۔ ترجمان کا کہنا تھا کہ دھابے جی پمپنگ اسٹیشن پر بجلی کی فراہمی کئی گھنٹے سے معطل ہے جس کے باعث کراچی کو پانی سپلائی کرنے والی مین لائن سے 90 کروڑ گیلن پانی فراہم نہیں کیا جاسکا ہے۔

دوسری جانب ترجمان کے الیکٹرک کا کہنا ہےکہ دھابے جی پمپنگ اسٹیشن پر تکنیکی خرابی کے باعث بجلی کی فراہمی معطل ہوئی ہے، فیڈرٹرپ ہونے سے گرڈ سے منسلک دیگر فیڈرز بھی متاثر ہوئے ہیں تاہم بجلی کی بحالی کے لیے ہنگامی بنیادوں پر مرمتی کام شروع کردیا گیا ہے۔