ایشین گیمز ہاکی میچ میں پاکستان نے چین کو 2 گول سے ہرا دیا

جنوبی کوریا میں جاری ایشین گیمز کے ہاکی مقابلوں میں پاکستان نے چین کو صفر کے مقابلے میں 2 گول سے ہرا دیا۔

جنوبی کوریا کے شہر انچیون میں جاری ایشین گیمز کے ہاکی مقابلوں میں پاکستان اور چین کے درمیان میچ کا پہلا ہاف بغیر کسی گول کے برابری پر ختم ہوا تاہم دوسرے ہاف میں قومی کھلاڑیوں نے حریف ٹیم پر حملوں کا سلسلہ تیز کیا اور صفر کے مقابلے میں 2 گول سے میچ اپنے نام کرلیا۔ پاکستان کی جانب سے حسیم خان اور دلبر حسین نے ایک ایک گول کیا۔


واضح رہے کہ گزشتہ روز پاکستان نے سری لنکا کو صفر کے مقابلے میں 14 گول سے شکست سے دوچار کیا تھا۔