سپر اسٹار ہوں کسی کی خواہش پر کام نہیں کرتا شاہ رخ خان

بالی ووڈ اداکار شاہ رخ خان کا کہنا ہے کہ ایک سپر اسٹار ہوں کبھی بھی دوسروں کی خواہشات پر کام نہیں کروں گا۔


بھارتی میڈیا رپورٹس کے مطابق اپنے ایک انٹرویو میں شاہ رخ خان کا کہنا تھا کہ میں ایک سپر اسٹار ہوں، میرے پاس پیسہ بھی ہے، شہرت بھی اور بہت سے ایوارڈ بھی ہیں اس لئے کبھی بھی دوسروں کی خواہش اور ہدایات پر کام نہیں کروں گا۔ ان کا کہنا تھا کہ ہمیشہ ایسی فلمیں کرتا ہوں جن میں کام کر کےمجھے خوشی محسوس ہو، جیسے میں نے ''را ون'' کیوں کہ میرے بچوں کو سپر ہیروز پسند ہیں۔ میرے والد ہاکی کھیلتے تھے اس لئے میں نے فلم ''چک دے''، یہ بہت ضروری ہے کہ اس چیز کو محسوس کیا جائے جو آپ کرنا چاہتے ہیں۔

شاہ رخ خان نے کہا کہ اپنے فلمی کیرئیر کے حوالے سے کوئی پریشانی نہیں ہے، ایک اداکار کی حیثیت سے ہر نئے آنے والے دن کے ساتھ سیکھ رہا ہوں۔ انھوں نے کہا کہ میں اپنی خواہشات کے بارے میں جانتا ہوں اور اپنی طرف سے اچھا پرفارم کرنے کی کوشش کرتا ہوں۔ اداکار کھبی بھی پریشان نہیں ہوتے اور اگر وہ پریشان ہوتے ہیں تو پھر وہ اداکار نہیں ہیں۔