وزیراعظم سمیت11اہم شخصیات کیخلاف پارلیمنٹ ہاؤس کے سامنے ہنگامہ آرائی کا مقدمہ درج

وفاقی دارالحکومت کی پولیس نے عدالتی حکم پر وزیر اعظم نواز شریف اور وزیر اعلیٰ پنجاب شہباز شریف سمیت 11 اہم شخصیات کے خلاف پارلیمنٹ ہاؤس کے سامنے ہنگامہ آرائی کا مقدمہ درج کرلیا ہے۔


ایکسپریس نیوز کے مطابق اسلام آباد کے تھانہ سیکریٹریٹ میں وزیر اعظم نواز شریف، وزیر اعلیٰ پنجاب شہباز شریف، وفاقی وزیر داخلہ چوہدری نثار علی خان، وزیر دفاع خواجہ آصف اور وزیر ریلوے خواجہ سعد رفیق سمیت 11 اہم شخصیات کے خلاف مقدمہ درج کیا گیا ہے جس میں قتل، اقدام قتل اور دہشتگردی کی دفعات شامل کی گئی ہیں۔

واضح رہے کہ دو روز قبل اسلام آباد کی مقامی عدالت نے تحریک انصاف کی درخواست پر پولیس کو مقدمہ درج کرنے کا حکم دیاتھا، مقدمے کے اندراج کے بعد وفاقی دارالحکومت اور لاہور میں وزیر اعظم نواز شریف سمیت دیگر شخصیات پر مقدمات کی تعداد 3 ہوگئی ہے۔