’’بینگ بینگ‘‘ نے زیادہ سینما گھروں میں نمائش کی تاریخ رقم کردی

بالی ووڈ تاریخ کی سب سے مہنگی ترین فلم '' بینگ بینگ '' نے سب سے زیادہ سینما گھروں میں ریلیز کی نئی تاریخ رقم کر دی ہے۔


ہریتک روشن اور کترینہ کیف کی خوبصورت اداکاری سے سجی فلم ''بینگ بینگ '' دنیا بھر میں ایک ساتھ پانچ ہزار ایک سو سینما گھروں میں نمائش کے لیے پیش کی گئی جو کسی بھی بالی ووڈ فلم کی جانب سے سب سے بڑی ریلیز ہے۔ ہریتک روشن اور کترینہ کی یہ فلم ہالی ووڈ کامیڈی اینڈ ایکشن فلم ''نائٹ اینڈ ڈے'' کا ہندی ورژن ہے۔ فلم ''بینگ بینگ'' کو بھارتی تاریخ میں مہنگی ترین فلموں میں شامل کیا جا رہا ہے، توقع ہے کہ یہ فلم تین روز میں ریکارڈ بزنس کرے گی۔