ملک میں بوہری برادری آج عید الاضحٰی منارہی ہے

KARACHI:
شہر قائد سمیت ملک کے دیگر شہروں میں بوہری برادری آج عید الضحٰی منارہی ہے۔


دنیا بھر کی طرح کراچی اور حیدر آباد سمیت ملک کے دیگر شہروں میں آباد بوہری برادری آج مذہبی عقیدت و احترام کے ساتھ عید الاضحیٰ منا رہی ہے، کراچی میں صدر، پان منڈی، حیدری اور شبیر آباد میں نمازعید کے اجتماعات ہوئے، جن میں اسلام کی سربلندی اور ملک کی سلامتی کے لئے خصوصی دعائیں مانگی گئیں۔ اس موقع پر سیکیورٹی کے بھر پور انتظامات کئے گئے تھے۔ نماز عید کے بعد حضرت ابراہیم علیہ السلام کی سنت کی اتباع کرتے ہوئے مویشیوں کی قربانی کی جارہی ہے۔

واضح رہے کہ خیبر پختونخوا کے مختلف علاقوں میں کل جبکہ پاکستان کے بیشتر حصے میں پیر کو عید الالضحیٰ منائی جائے گی۔