وزیراعظم نواز شریف میران شاہ پہنچ گئے آرمی چیف جنرل راحیل شریف نے استقبال کیا

وزیراعظم نواز شریف شمالی وزیرستان کے صدر مقام میران پہنچ گئے جہاں آرمی چیف جنرل راحیل شریف نے ان کا استقبال کیا۔


ُپاک فوج کے شعبہ تعلقات عامہ (آئی ایس پی آر) کے مطابق وزیراعظم نواز شریف شمالی وزیرستان کے صدر مقام میران شاہ کے دورہ پر پہنچ گئے جہاں ان کا استقبال آرمی چیف جنرل راحیل شریف نے کیا۔ آئی ایس پی آر کے مطابق وزیراعظم کو آپریشن ضرب عضب پر بریفنگ دی جائی گی جب کہ وہ اگلے مورچوں پر تعینات فوجی جوانوں سے بھی ملاقات کریں گے۔

دوسری جانب زرائع کا کہنا ہے کہ میران شاہ میں دورہ کے موقع پر وزیراعظم فو جیوں سے خطاب میں پالیسی بیان دیں گے اور آپریشن ضرب عضب کے دوران نقل مکانی کرنے والے افراد سے بھی ملاقات کریں گے۔