پی آئی اے کافرینکفرٹ اورایمسٹرڈیم روٹس بندکرنے کا بھی فیصلہ

پاکستان انٹرنیشنل ایئرلائن انتظامیہ نے فرینفکرٹ اورایمسٹرڈیم کاروٹس بھی بندکرنے کافیصلہ کرلیا ہے۔


جس کے بعد پی آئی اے انتطامیہ نے 2سال کے عرصے میں 7 منافع بخش روٹس بند کردیے، ان میں استنبول،گلاسکو، شکاگو، بارسلونا، اوسلو اورکولمبو بھی شامل ہیں معلوم ہوا ہے کہ پی آئی اے انتطامیہ اکتوبر میں کراچی سے فرینکفرٹ اورایمسٹرڈیم جانے والی پی آئی اے کی پروازوں کو بندکرنے کی ہدایت کردی۔

آئندہ ماہ فرینکفرٹ جانے والے وہ مسافرجنھوں نے ٹکٹ بک کرائے تھے ان کے ٹکٹ کی رقم واپس کرنے کی ہدایت کردی گئی،ذرائع کے مطابق 21مارچ کو شکاگو سیکٹرپر قومی ائیرلائن کی آخری پروازچلائی گئی تھی، پی آئی اے انتظامیہ نے شکاگوروٹ بندکرکے نیویارک کی پروازوں میں اضافہ کرنے کی ہدایت دیدی ہے۔