فرقہ وارانہ آگ کو ہوا دینے والے عوام دشمن ہیںمحمد شریف

متحدہ قومی موومنٹ حیدرآباد کے زونل انچارج محمد شریف و اراکین زونل کمیٹی نے اپنے بیان میں کہا ہے کہ قائد تحریک الطاف حسین نے ہمیشہ اپنے کارکنان کو ملک میں مذہبی رواداری اور امن وامان کے قیام میں اپنا کردار ادا کرنے کا درس دیا ہے۔


اسی درس کی بدولت متحدہ نے فرقہ وارانہ آگ کو ہوا دینے والے عوام اور ملک دشمن عناصرکی ہر سازش کا خاتمہ کیا ہے، انھوںنے کہاکہ ملک پر قابض 2 فیصد مراعات یافتہ طبقہ 98 فیصد عوام کے رہبر و رہنما الطاف حسین اور ان کی تحریک سے خوفزدہ ہیں۔

کیونکہ انھوں نے اپنے اقتدار کے خاطر لڑاو اور حکومت کرو کی پالیسی پر عمل کر کے ہمیشہ غریب و متوسط طبقہ کے عوام کو نت نئی سازشوں کے ذریعے لڑایا، لیکن اب غریبوں کو اپنے حقوق کی جنگ خود لڑنا ہو گی اور اپنے شعور کو بیدار کرکے اس بات کا جائزہ لینا ہوگا کہ کون سی جماعت عوام کے حقوق کیلیے جدوجہد کر رہی ہے۔