وزیراعظم نوازشریف کوبرطانوی ہم منصب کا فون افغان کانفرنس میں شرکت کی دعوت

وزیراعظم نوازشریف کو برطانوی وزیراعظم نے ٹیلی فون کرکے افغان کانفرنس میں شرکت کی دعوت دی ہے۔


ایکسپریس نیوز کے مطابق وزیراعظم نوازشریف کو ان کے برطانوی ہم منصب ڈیوڈ کیمرون نے فون کیا جس میں دونوں رہنماؤں کے درمیان پاک برطانیہ تعلقات اور باہمی دلچسپی کے امور پر تبادلہ خیال کیا گیا جبکہ اس دوران ڈیوڈ کیمرون نے وزیراعظم نوازشریف کو افغان کانفرنس میں بھی شرکت کی دعوت دی۔

افغانستان کے حوالے سے آئندہ ماہ کانفرنس کا انعقاد لندن میں کیا جارہا ہے جس کی صدارت برطانوی وزیراعظم ڈیوڈ کیمرون اور افغان صدر اشرف غنی کریں گے۔