کراچی میں عائشہ منزل پر اسلامک ریسرچ سینٹر کے قریب دستی بم حملہبچی جاں بحق اور 8 افراد زخمی
زخمیوں میں خواتین اور بچے بھی شامل ہیں جنہیں طبی امداد کے لیے اسپتال متنقل کردیا گیا
پولیس،رینجرز کی بھاری نفری موقع پر علاقے کو گھیرے میں لے لیا ہے، فوٹو:ایکسپریس/محمد نعمان
عائشہ منزل پر اسلامک ریسرچ سینٹر کےقریب دستی بم حملے میں ایک بچی جاں بحق جبکہ خواتین سمیت 8 افراد زخمی ہوگئے۔
ایکسپریس نیوز کے مطابق کراچی کے علاقے عائشہ منزل پر اسلامک ریسرچ سینٹر کے قریب نامعلوم افراد نے دستی بم حملہ کردیا جس کے نتیجے میں بچوں اور خواتین سمیت 9 افراد زخمی ہوگئے جنہیں فوری طبی امداد کے لیے عباسی شہید اسپتال منتقل کردیا گیا جہاں ایک بچی زخموں کی تاب نہ لاتے ہوئے دم توڑ گئی جبکہ دیگر زخمیوں میں 2 بچوں سمیت 4 خواتین بھی شامل ہیں۔
اسلامک ریسرچ سینٹر پر امام بارگاہ کے قریب دستی بم حملہ پل سے کیا گیا، حملے کے وقت امام بارگاہ میں مجلس ختم ہونے پر لوگ باہر نکل رہے تھے، حملے کے نتیجے میں زور دار دھماکے کی آواز دور دور تک سنی گئی جس سے علاقے میں شدید خوف وہراس پھیل گیا، پولیس اور رینجرز کی بھاری نفری نے موقع پر پہنچ کر علاقے اور امام بارگاہ کو گھیرے میں لے لیا جبکہ ریسکیو ٹیموں نے زخمیوں کو فوری طبی امداد کے لیے اسپتال منتقل کیا۔
ایکسپریس نیوز کے مطابق کراچی کے علاقے عائشہ منزل پر اسلامک ریسرچ سینٹر کے قریب نامعلوم افراد نے دستی بم حملہ کردیا جس کے نتیجے میں بچوں اور خواتین سمیت 9 افراد زخمی ہوگئے جنہیں فوری طبی امداد کے لیے عباسی شہید اسپتال منتقل کردیا گیا جہاں ایک بچی زخموں کی تاب نہ لاتے ہوئے دم توڑ گئی جبکہ دیگر زخمیوں میں 2 بچوں سمیت 4 خواتین بھی شامل ہیں۔
اسلامک ریسرچ سینٹر پر امام بارگاہ کے قریب دستی بم حملہ پل سے کیا گیا، حملے کے وقت امام بارگاہ میں مجلس ختم ہونے پر لوگ باہر نکل رہے تھے، حملے کے نتیجے میں زور دار دھماکے کی آواز دور دور تک سنی گئی جس سے علاقے میں شدید خوف وہراس پھیل گیا، پولیس اور رینجرز کی بھاری نفری نے موقع پر پہنچ کر علاقے اور امام بارگاہ کو گھیرے میں لے لیا جبکہ ریسکیو ٹیموں نے زخمیوں کو فوری طبی امداد کے لیے اسپتال منتقل کیا۔