بھارت کو ہرانے کے لئے ٹیم کا مورال بلند ہے کپتان محمد حفیظ

کپتان محمد حفیظ نے کہا ہے کہ بھارت سے جیت کے لئے ٹیم کامورال بہت بلند ہے۔


ٹی 20ورلڈ کپ میں پاکستان کرکٹ ٹیم کے کپتان محمد حفیظ نے پریس میں کانفرنس کرتے ہوئے کہا نیوزی لینڈ کوشکست دینے کے بعد ٹیم کا مورال بہت بلند ہے،انہوں نے کہا کہ اگربھارت کے خلاف میچ میں شاہد آفریدی نے اپنی صلاحیتوں کے جوہردکھائے تویہ بونس پوائنٹ ہوگا۔

دوسری جانب بھارتی کرکٹ ٹیم کے کپتان مہندراسنگھ دھونی کا کہنا ہے پاکستان کے ساتھ میچ میں بھارتی ٹیم اپنی پوری تیاری کے ساتھ میدان میں اترے گی کیوں کہ ٹورنامنٹ میں رہنے کے لئے پاکستان کو ہرانا لازمی ہے۔