ٹی 20 ورلڈ کپ سری لنکا ویسٹ انڈیز کو ہراکر سیمی فائنل میں پہنچ گیا

ٹی 20 ورلڈ کپ میں سپر ایٹ مرحلے کے چھٹے میچ میں سری لنکا نے ویسٹ انڈیز کو 9 وکٹوں سے شکست دے کرسیمی فائنل میں جگہ بنالی۔

ویسٹ انڈیز نے ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں 5 وکٹوں کے نقصان پر 129 رنز بنائے۔ مارلن سیمیولز 50 اور ڈیوائن براوو 40 رنز اسکور کرکے نمایاں بیٹسمین رہے۔ سری لنکا کی جانب سے اجنتھا مینڈس نے 2 جبکہ میتھیوز، کلاسیکرا اور جیون مینڈس نے ایک ایک وکٹ حاصل کی۔


سری لنکا نے مطلوبہ ہدف 15.2 اوورز میں ایک وکٹ کے نقصان پر پورا کرلیا۔ کپتان ماہیلا جے وردھنے نے 65 اور کمار سنگاکارا نے 39 رنز بناکر ٹیم کی کامیابی میں اہم کردار ادا کیا اور دونوں کھلاڑی ناٹ آؤٹ رہے۔ ویسٹ انڈیز کی طرف سے واحد وکٹ رام پال نے حاصل کی۔

بہترین پرفارمنس پر ماہیلا جے وردھنے کو مین آف دی میچ قرار دیا گیا۔