’’ہیپی نیو ایئر‘‘ کو احمقانہ فلم کہنے پر شاہ رخ جیا بچن سے ناراض

باکس آفس میں تہلکہ مچا دینے والی فلم ''ہیپی نیوائیر'' کو احمقانہ قرار دینے پر بالی وڈ کنگ شاہ رخ خان جیا بچن سے ناراض ہوگئے۔


جیا بچن نے ممبئی میں ہونے والی ایک تقریب میں ''ہیپی نیو ائیر'' کی کہانی کو احمقانہ کہہ دیا تھا اور جیا نے اپنے بیٹے ابھیشک کے ساتھ ساتھ شاہ رخ کو بھی کھری کھری سنائیں تھیں۔ شاہ رخ تک جب جیا بچن کی بات پہنچی تو انھوں نے برا مان لیا اور جیا جی سے روٹھ گئے تاہم بگ بی بیچ بچاو کرانے کود پڑے ہیں اور امیتابھ بچن نے شاہ رخ سے متعلق اپنی اہلیہ کے بیان پر ان سے معافی مانگی ہے۔

دوسری طرف شاہ رخ خان نے مشہور فلم ''ڈان '' کے سیکوئل میں کام کرنے کی حامی بھرلی ہے۔ جرم کی دنیا کا بڑا نام ڈان جو سفاکی پر اتر آئے تو اپنوں کو بھی دوسرے جہاں پہنچا دیتا ہے ، اب تک اس فلم کے دو حصے آچکے ہیں اور دونوں نے باکس آفس پر ریکارڈ بزنس کیا۔