شین وارن نے بھی آسٹریلوی بیٹنگ کے حوالے سے تشویش ظاہر کردی

KARACHI:
سابق اسٹار اسپنر شین وارن نے بھی آسٹریلوی بیٹنگ کے حوالے سے تشویش ظاہر کردی۔ انھیں ہوم سیزن میں کینگروز کی جانب سے دنیا کی ٹاپ ٹیسٹ ٹیم کا اسٹیٹس حاصل کرنے کا امکان کم دکھائی دیتا ہے۔


شین وارن نے کہا کہ میں سمجھتا ہوں کہ ایک گروپ کی صورت میں کھلاڑیوں کی کارکردگی پاکستان کیےخلاف انتہائی مایوس کن رہی، وہ بہت بُری طرح آئوٹ ہوئے، میں انھیں ہوم سیزن میں کچھ رنز بناتے ہوئے دیکھنا چاہتا ہوں، اگر وہ ایسا کرنے میں کامیاب رہے تو پھر بولرز بھی معاونت کیلیے موجود ہوں گے۔ شین وارن نے مزید کہا کہ ہمارے پاس ورلڈ کپ جیتنے کیلیے کئی میچ ونرز موجود ہیں، اگر درست ٹیم منتخب کی گئی تو یہ کارنامہ انجام دیا جاسکتا ہے۔