لاہور سے سابق صدر پرویز مشرف پر حملے میں ملوث دو ملزمان گرفتار پولیس
ملزمان وقار اور ابوبکر کا تعلق کالعدم تنظیم سے ہے جو سابق صدر پر راولپنڈی میں ہونے والے حملے میں ملوث ہیں، پولیس
وقار اس حملے کا ماسٹر مائنڈ بتایا جاتا ہے، پولیس، فوٹو: فائل
پولیس نے سابق صدر پرویزمشرف پر حملے میں ملوث ماسٹر مائنڈ سمیت دو ملزمان گرفتار کرنے کا دعویٰ کیا ہے۔
ایکسپریس نیوز کے مطابق پولیس نے لاہور کے علاقے مغل پورہ میں کارروائی کرکے دو ملزمان کو گرفتار کرلیا۔ پولیس کا کہنا ہےکہ ملزمان وقار اور ابوبکر کا تعلق کالعدم تنظیم سے ہے جو سابق صدر پرویز مشرف پر راولپنڈی میں ہونے والے حملے میں ملوث ہیں جبکہ وقار اس حملے کا ماسٹر مائنڈ بتایا جاتا ہے۔
پولیس نے ملزمان کے قبضے سے اسلحہ برآمد کرکے انہیں مزید تفتیش کے لیے نامعلوم مقام پر منتقل کردیا ہے۔