پاکستان کا دہشتگردی کے خلاف جنگ میں ہرماہ 90 ارب روپے کا نقصان ہورہا ہے عمران خان

چیئرمین تحریک انصاف عمران خان نے کہا ہے کہ دہشت گردی کےخلاف جنگ میں ہرماہ پاکستان کا 90 ارب روپے کا نقصان ہورہا ہے۔

اسلام آباد میں پریس کانفرنس سے خطاب کرتے ہوئے عمران خان نے کہا کہ وہ جنوبی وزیرستان میں غیرملکی میڈیا اور این جی اوز کے نمائندوں کولےکر جائیں گے اور وہاں کے عوام کوبتائیں گے کہ امریکا اور یورپ کے شہری بھی ڈرون حملوں کےخلاف ہیں۔


پریس کانفرنس میں موجود سابق امریکی سفیر این رائٹ نے کہا کہ وہ اور ان جیسے ہزاروں امریکی ڈرون حملوں کےخلاف ہیں۔

امریکی این جی اوز کے نمائندوں نے گستاخانہ فلم کی مذمت کرتے ہوئے کہا کہ یہ ایک نفرت انگیزکام تھا جس سے مسلمانوں کے ساتھ ساتھ امریکیوں کو بھی دکھ پہنچا ہے۔