فواد خان نے بالی ووڈ کا ’بیسٹ ڈیبیو ایوارڈ‘ اپنے نام کر لیا

فلم 'خوبصورت' سے بالی ووڈ میں ڈیبیو کرنے والے پاکستانی اداکار فواد خان نے شاندار اداکاری کے ذریعے ' بیسٹ ڈیبیو ایوارڈ' اپنے نام کر لیا ہے۔


بھارتی میڈیا رپورٹس کے مطابق دبئی میں ہونے والے مسالہ ایوارڈ 2014 کی تقریب میں بالی ووڈ فلم 'خوبصورت' کے ذریعے اپنے فنی کیرئیر کا آغاز کرنے والے فواد خان کو شاندار پرفارمنس پر 'بیسٹ ڈیبیو بالی ووڈ' ایوارڈ سے نوازا گیا ہے۔

واضح رہے کہ فواد خان نے اپنی پہلی فلم 'خوبصورت' میں سونم کپور کے ساتھ وکرم سنگھ راٹھور کا کردار ادا کیا تھا، ان کی فلم باکس آفس پر زیادہ کامیاب ثابت نہیں ہو سکی تاہم فلم بینوں نے فواد خان کی پرفارمنس کو سراہا۔ فواد خان کی فلم گزشتہ ماہ سینما گھروں کی زینت بنی تھی۔