پاکستان معاہدہ پورا کرے ورنہ جرمانہ دینا ہوگا ایران

ISLAMABAD:
ایران نے پاک ایران گیس پائپ لائن کی تعمیر کے حوالے سے پاکستان کو الٹی میٹم دیتے ہوئے کہا ہے کہ وہ اس سلسلے میں اقدام کرے ورنہ اسے جرمانہ ادا کرنا پڑے گا۔


گزشتہ روزپریس کانفرنس سے خطاب کرتے ہوئے نیشنل ایران گیس کمپنی (این آئی جی سی) کے ڈائریکٹر جنرل حامدرضا عراقی نے کہاکہ ایران اورپاکستان کے درمیان طے پانے والے معاہدے کے تحت پاکستان کو گیس کی درآمد کے حوالے سے دسمبر 2014 تک اپنے وعدے پورے کرنے تھے لیکن اب ایسا نظر نہیں آتا۔ حامد رضا عراقی نے ان افواہوں کو بھی مسترد کردیا کہ ایران نے منصوبے کی تعمیر میں طویل تاخیر پر پاکستان کو جرمانہ نہ کرنے کا فیصلہ کیا ہے۔ انھوں نے کہاکہ معاہدے کی شرائط کے مطابق پاکستان کوجرمانہ اداکرنا پڑے گا۔