سینیٹ کی 52 نشستوں پرانتخابات کا شیڈول جاری
11 مارچ کو خالی ہونے والی نشستوں پر انتخابات 3 مارچ کو ہوں گے جبکہ 12 فروری سے کاغذات نامزدگی جمع کرائے جاسکتے ہیں۔
امیدوار 25 فروری تک اپنے درخواست فارم واپس لیتے ہوئے دستبردار ہوسکتے ہیں،الیکشن کمیشن۔ فوٹو: فائل
الیکشن کمیشن نے سینیٹ کی 52 نشستوں پر انتخابات 3 مارچ کو کرائے جانے کا شیڈول جاری کردیا۔
ایکسپریس نیوز کے مطابق سینیٹ کے 52 ارکان 11 مارچ کو ریٹائرڈ ہوجائیں گے جب کہ ان نشستوں پر انتخابات کے لئے الیکشن کمیشن نے شیڈول جاری کردیا۔ شیڈول کے مطابق سینیٹ کی 52 نشستوں پر انتخابات 3 مارچ کو ہوں گے جبکہ امیدواروں کے کاغذات نامزدگی کی وصولی 12 اور 13 فروری کو کی جائے گی۔ الیکشن کمیشن کے مطابق امیدوار 25 فروری تک اپنے درخواست فارم واپس لیتے ہوئے دستبردار ہوسکتے ہیں۔