پنجاب اسمبلی نااہل ارکان کوتنخواہیں واپس کرنے کا نوٹس جاری

پنجاب اسمبلی سیکریٹریٹ نے دہری شہریت کیس میں نااہل ہونے والے ارکان اسمبلی کوچارسال کی تنخواہوں اور مراعات کی واپسی کے لیے نوٹس جاری کردیا ہے۔


جن نااہل ہونے والے ارکان کو نوٹس جاری کیا گیا ہے ان میں محمد اخلاق کا تعلق حلقہ پی پی 122 ، محمد اشرف چوہان کا تعلق حلقہ پی پی 92 ،وسیم قادر کا تعلق حلقہ پی پی 144 اور چوہدری ندیم خادم کا تعلق حلقہ پی پی 26 سے ہے۔ خواتین کی مخصوص نشستوں پرمنتخب ہونے والی ڈاکٹرآمنہ بٹر بھی ان ارکان میں شامل ہیں۔ اسپیکرپنجاب اسمبلی رانا محمد اقبال کا کہنا ہے کہ ارکان اسمبلی سے دہری شہریت کے حلف نامے اور نااہل ہونے والے ارکان سے مراعات واپس لینے کے لیے سپریم کورٹ کے احکامات پرعملدرآمد کیا جائے گا۔