دیپیکا پڈوکون نے گھڑسواری اور تلوار بازی سیکھنا شروع کردی
گھڑ سواری سیکھنے میں مزہ آرہا ہے لیکن تلوار زنی سیکھنے میں بڑی مشکل آ رہی ہے، دیپیکا پڈوکون
چنئی ایکسپریس‘ کے لیے بھی دیپیکا نے خاص طور سے تامل لہجے والی ہندی زبان سیکھی تھی۔ فوٹو: فائل
بالی ووڈ اداکارہ دیپیکا پڈوکون نے اپنی نئی فلم میں حقیقت کا رنگ بھرنے کے لئے گھڑ سواری اور تلوار بازی سیکھنا شروع کردی۔
برطانوی نشریاتی ادارے کی رپورٹ کے مطابق معروف بھارتی ہدایتکار سنجے لیلیٰ بھنسالی ''باجی راؤ مستانی'' بنارہے ہیں، فلم میں ہیرو کا کردار رنویر سنگھ ادا کررہے ہیں جبکہ دیپیکا پڈوکون ان کی ہیروئن کے کردار میں نظر آئیں گی۔ فلم کی کہانی اٹھارہویں صدی کے ایک سپاہی کے گرد گھومتی ہے، اس لئے فلم میں دیپیکا کو بھی مہارت سے گھوڑے کی سواری اور تلوار چلاتے ہوئے دکھایا جائے گا۔
دیپیکا نے فلم میں حقیقت کا رنگ بھرنے کے لئے گھڑسواری اور تلوار بازی کے مناظر خود ہی عکسبند کرانے کا فیصلہ کیا ہے جس کے لئے وہ بھرپور توجہ دے رہی ہیں، اس سلسلے میں خود دیپیکا کا کہنا ہے کہ انہیں تلوار بازی سیکھنے میں بڑی مشکل آ رہی ہے لیکن وہ اسے سیکھ کر رہیں گی۔
واضح رہے کہ فلم 'چنئی ایکسپریس' کے لیے بھی دیپیکا نے خاص طور سے تامل لہجے والی ہندی زبان سیکھی تھی۔
برطانوی نشریاتی ادارے کی رپورٹ کے مطابق معروف بھارتی ہدایتکار سنجے لیلیٰ بھنسالی ''باجی راؤ مستانی'' بنارہے ہیں، فلم میں ہیرو کا کردار رنویر سنگھ ادا کررہے ہیں جبکہ دیپیکا پڈوکون ان کی ہیروئن کے کردار میں نظر آئیں گی۔ فلم کی کہانی اٹھارہویں صدی کے ایک سپاہی کے گرد گھومتی ہے، اس لئے فلم میں دیپیکا کو بھی مہارت سے گھوڑے کی سواری اور تلوار چلاتے ہوئے دکھایا جائے گا۔
دیپیکا نے فلم میں حقیقت کا رنگ بھرنے کے لئے گھڑسواری اور تلوار بازی کے مناظر خود ہی عکسبند کرانے کا فیصلہ کیا ہے جس کے لئے وہ بھرپور توجہ دے رہی ہیں، اس سلسلے میں خود دیپیکا کا کہنا ہے کہ انہیں تلوار بازی سیکھنے میں بڑی مشکل آ رہی ہے لیکن وہ اسے سیکھ کر رہیں گی۔
واضح رہے کہ فلم 'چنئی ایکسپریس' کے لیے بھی دیپیکا نے خاص طور سے تامل لہجے والی ہندی زبان سیکھی تھی۔