پاکستان اور نیوزی لینڈ کے درمیان دوسرا ون ڈے آج کھیلا جائے گا
نیوزی لینڈ کے نیپیئر کرکٹ گراؤنڈ میں آج پاکستانی وقت کے مطابق میچ صبح 6 بجے شروع ہوگا
نیوزی لینڈ کے نیپیئر کرکٹ گراؤنڈ میں آج پاکستانی وقت کے مطابق میچ صبح 6 بجے شروع ہوگا۔ فوٹو: فائل
پاکستان اور نیوزی لینڈ کے درمیان دوسرا اور آخری ایک روزہ میچ آج کھیلا جائے گا۔
نیوزی لینڈ کے شہر نیپئر کے میکلین پارک گراؤنڈ میں آج پاکستانی وقت کے مطابق صبح 6 بجے دونوں ٹیمیں مدمقابل ہوں گی، پہلے میچ میں ناکامی کے بعد کپتان مصباح الحق کی جانب سے ٹیم میں ایک سے 2 تبدیلیاں کئے جانے کا امکان ہے اور اوپنر محمد حفیظ کی جگہ فاسٹ بولر وہاب ریاض کو ٹیم الیون کا حصہ بنایا جاسکتا ہے جب کہ کیویز ٹیم کے کپتان برینڈم میکولم دوسرے میچ میں بھی فاتح الیون برقرار رکھیں گے۔
واضح رہے کہ نیوزی لینڈ نے پہلے ایک روزہ میچ میں روس ٹیلر اور ایلیٹ کی مضبوط پارٹنرشپ کی بدولت پاکستان کو 7 وکٹوں سے شکست دی تھی۔