خانیوال پولیس نے اسلحہ اسمگلنگ کی کوشش ناکام بنادی 6 ملزمان گرفتار

پولیس نے خانیوال میں اسلحے سے بھری کار پکڑ لی جب کہ اسلحہ اسمگل کرنے والے 6 ملزمان کو بھی حراست میں لے لیا گیا۔

ایکسپریس نیوز کے مطابق پولیس نے خفیہ اطلاع پر کارروائی کرتے ہوئے خانیوال میں اسلحہ سے بھری کار پکڑ لی جب کہ دوران تلاش گاڑی سے 36 رپیٹرز، 96 پستول اور 27 ہزار سے زائد گولیاں برآمد کرتے ہوئے 6 ملزمان کو حراست میں لے لیا۔ پولیس کے مطابق ملزمان لکی مروت سے خانیوال اسلحہ اسمگل کررہے تھے اور خدشہ ہے کہ اسلحہ کا استعمال تخریب کاری کی وارداتوں میں کیا جانا تھا تاہم ملزمان سے تفتیش کا آغاز کردیا گیا ہے۔