جیکب آباد میں ریلوے ٹریک پر دھماکے سے ٹرین کی3 بوگیاں پٹڑی سے اتر گئیں 15 افراد زخمی
دہشت گردوں نے ریلوے ٹریک کو اس وقت دھماکے سے تباہ کیا جب کراچی سے پشاور جانے والی خوشحال خان خٹک ایکسپریس گزررہی تھی۔
دہشت گرد اسی علاقے میں اس سے قبل بھی ٹرینوں کو نشانہ بناچکے ہیں فوٹو: فائل
نور واہ میں ریلوے ٹریک پر دھماکے کے نتیجے میں مسافر ٹرین کی 3 بوگیاں پٹڑی سے اتر گئیں۔
ایکسپریس نیوز کے مطابق جیکب آباد کے قریب نور واہ میں دہشت گردوں نے ریلوے ٹریک کو اس وقت دھماکے سے تباہ کیا جب کراچی سے پشاور جانے والی خوشحال خان خٹک ایکسپریس گزر رہی تھی۔ دھماکے کے نتیجے میں ٹرین کی 3 بوگیاں اتر گئیں جبکہ بوگیوں میں سوار 2 خواتین سمیت 15 افراد زخمی ہوگئے، زخمیوں کو قریبی اسپتال منتقل کردیا گیا ہے۔
واضح رہے کہ دہشت گرد اسی علاقے میں اس سے قبل بھی خوشحال خان ایکسپریس کو3 مرتبہ نشانہ بناچکے ہیں۔
ایکسپریس نیوز کے مطابق جیکب آباد کے قریب نور واہ میں دہشت گردوں نے ریلوے ٹریک کو اس وقت دھماکے سے تباہ کیا جب کراچی سے پشاور جانے والی خوشحال خان خٹک ایکسپریس گزر رہی تھی۔ دھماکے کے نتیجے میں ٹرین کی 3 بوگیاں اتر گئیں جبکہ بوگیوں میں سوار 2 خواتین سمیت 15 افراد زخمی ہوگئے، زخمیوں کو قریبی اسپتال منتقل کردیا گیا ہے۔
واضح رہے کہ دہشت گرد اسی علاقے میں اس سے قبل بھی خوشحال خان ایکسپریس کو3 مرتبہ نشانہ بناچکے ہیں۔