یمن امریکی ڈرون حملے اور خودکش دھماکے میں 7 افراد ہلاک

ISLAMABAD:
یمن میں امریکی ڈرون حملے اور خود کش بم دھماکے میں 7افراد ہلاک ہوگئے۔


غیر ملکی خبررساںادارے کے مطابق امریکی ڈرو ن طیارے نے یمن کے جنوبی علاقے میں مشتبہ دہشت گردوں کے ٹھکانوں پر حملہ کیا جس کے نتیجے میں 5مشتبہ دہشت گرد ہلاک ہوگئے تاہم اس حوالے سے مزید تفصیلات نہیں بتائی گئیں، دوسری جانب جنوبی شہر مالا میں لوکل کونسل ہیڈکوارٹر کے داخلی دروازے پر 2 خود کش حملہ آوروں نے خود کو دھماکے سے اڑا دیا جس کے نتیجے میں 2 فوجی ہلاک ہو گئے، وزارت داخلہ کے حکام کے مطابق دھماکے کے بعد علاقے کو فوری طور پر خالی کرا لیا گیا،سکیورٹی فورسز نے علاقے کا محاصرہ کر کے سرچ آپریشن شروع کر دیا۔