انضمام الحق کوپاکستانی ورلڈ کپ اسکواڈ میں تجربے کی کمی کھلنے لگی

سابق کپتان انضمام الحق کوپاکستانی ورلڈ کپ اسکواڈ میں تجربے کی کمی کھلنے لگی۔


ان کا کہنا ہے کہ بھارت سے ورلڈ کپ میں کبھی نہ جیت پانے کی روایت توڑنے کیلیے ٹیم میں زیادہ تجربہ کار کھلاڑی موجود نہیں ہیں، انضمام نے کہا کہ ماضی کے میگا ایونٹس میں ہم نے روایتی حریف سے جتنے بھی میچز کھیلے خوب ڈٹ کر مقابلہ کیا لیکن اس بار سلیکٹرز نے بہت زیادہ نوجوان کھلاڑی منتخب کیے ہیں، احسان عادل، سہیل خان اور یاسر کو سرپرائر پیکج قرار دیا جارہا ہے لیکن انھیں میگا ایونٹ کا کوئی تجربہ نہیں، مجھے صرف محمد عرفان سے ہی امید ہے کہ وہ مضبوط بھارتی بیٹنگ لائن کو نشانہ بنا سکتے ہیں۔