کرکٹر شعیب اختر کی ’’ کامیڈی نائٹس ود کپل ‘‘ میں شرکت

آسٹریلیا اور نیوزی لینڈ میں آئی سی سی ورلڈ کپ شروع ہوتے ہیں کرکٹ بخار نے سبھی کو اپنی لپیٹ میں لے لیا ہے اور ٹی وی بھی اس سے متاثر ہوئے بغیر نہیں رہا۔


ان دنوں کرکٹ میچ دیکھنے میں مگن زیادہ سے زیادہ ناظرین کی توجہ حاصل کرنے کے لیے منتظمین اپنے ٹی وی شوز کو کرکٹ رنگ دینے کی کوشش کر رہے ہیں۔ ایسے میں مشہور شو '' کامیڈی نائٹس ود کپل'' بھی پیچھے نہیں رہا۔ رواں ہفتے پاکستان کی راولپنڈی ایکسپریس شعیب اختر اور انڈین باؤلر ہربھجن سنگھ کپل کے مہمان بنیں گے۔دونوں کھلاڑیوں نے 18 فروری کی رات شو کی ریکارڈنگ مکمل کرا لی اور حاضرین نے اسے بلاشبہ شاندار رات قرار دیا۔ریالٹی شو بگ باس آٹھ مکمل ہونے کے بعد کرشمہ تنا بھی اس قسط میں واپس آ رہی ہیں۔ سنیل گروور عرف گتھی نے ٹویٹر پر شعیب اور ہربھجن کے ساتھ شو پر لکھا '' بڑا ہنسا!!!! بڑا مزا آیا!! ''۔