آئی سی سی قوانین نے انگلینڈ کیخلاف میچ میں کیویز کو فتح کیلئے انتظارپرمجبورکردیا

آئی سی سی قوانین نے نیوزی لینڈ کی فتح کا انتظار طویل کردیا۔


جمعے کو انگلینڈ کیخلاف لواسکورنگ مقابلے میں کیویز نے 8 وکٹ سے کامیابی سمیٹی، انگلینڈ کے 123 پر ڈھیر ہونے کی وجہ سے کیوی ٹیم کی جوابی اننگز 10 منٹ بعد شروع ہوگئی، آفیشل لنچ بریک کا وقت ہونے پر کیویز ایک وکٹ پر 112رنز بناچکے تھے ،کامیابی ان سے 12رنز کی دوری پر تھی تاہم قوانین کا احترام کرتے ہوئے دونوں ٹیموں کو 45 منٹ کے وقفے پر میدان سے باہر جانا پڑا، اس موقع پر امپائرروڈ ٹکر کو شائقین کی جملے بازی کا سامنا رہا۔