انٹربورڈٹریفک حادثے میںہلاک بھائی بہن کیلیے قرآن خوانی

اعلیٰ ثانوی تعلیمی بورڈ کراچی کی انتظامیہ کی جانب سے گذشتہ روز بعد نماز جمعہ حال ہی میں ٹریفک حادثے کاشکار ہونے والے دو طالب علم بہن بھائیوں کے ایصالِ ثواب کیلیے قرآن خوانی کی گئی ،


یہ بہن بھائی ہائر سیکنڈری اسکول سرٹیفکیٹ کے امتحانات کے آخری دن پرچہ دینے کیلیے امتحانی مرکزجارہے تھے کہ ٹینکر نے کچل دیا ، حادثے کاشکار ہونیوالا حامد اور اس کی بہن صبیحہ اپنے کالج کے ذہین طالب علم تھے اور سینئر صحافی،

تجزیہ نگار اور ماضی قریب میں مقامی تعلیمی ادارے میں تدریس کے فرائض انجام دینے والے نذیر لغاری کے ہمشیر زاد تھے، پروفیسر انوار احمد زئی نے نذیر لغاری اور ان کے خاندان سے تعزیت کا اظہار کیااور کہا کہ دن میں ٹینکروں کی غیرقانونی نقل و حرکت کو بند کیا جانا چاہیے۔