ڈیرہ بگٹی میں شرپسندوں نے 2 گیس پائپ لائنیں تباہ کردیں

شر پسندوں نے مختلف علاقوں میں گیس کی 2 پائپ لائنوں کو دھماکا خیز مواد سے اڑا دیا۔


لیویز حکام کے مطابق ڈیرہ بگٹی کے علاقے پیر کوہ میں شرپسندوں نے لوٹی گیس فیلڈ کے کنواں نمبر 10 اور 12 سے گیس پلانٹ جانے والی 8، 8 انچ قطر کی پائپ لائنوں کو دھماکا خیز مواد سے اڑا دیا۔ دھماکوں کے نتیجے میں پائپ لائن میں آگ لگ گئی، واقعے کی اطلاع ملتے ہی امدادی کارکنوں نے دونوں کنوؤں سے گیس کی پیداوار بند کرکے پائپ لائنوں کی بحالی کے لئے آپریشن شروع کردیا ہے۔

واضح رہے کہ گزشتہ ایک ہفتے کے دوران شر پسند ڈیرہ بگٹی میں گیس کی کئی پائپ لائنوں کو تباہ کرچکے ہیں۔