جیکب آبادسندھ اوربلوچستان کا زمینی راستہ 25روزبعد بھی بحال نہ ہوسکا

قومی شاہراہ پر25روزبعد بھی بارش کا پانی جمع ہے جس کے باعث سندھ بلوچستان کازمینی راستہ بحال نہ ہوسکا

بلوچستان کو سندھ سمیت دیگر علاقوں سے ملانے والی جیکب آباد قومی شاہراہ پر ہیوی ٹریفک کا گزر ناممکن نہیں۔ شاہراہ 4 سے 5 فٹ تک پانی میں ڈوبی ہوئی ہے۔ حکام کےمطابق ٹریفک کی بحالی ميں مزید 6روز لگ سکتے ہیں۔


جیکب آباد کو سیلابی ریلےمحفوظ کرنے کے لئے سندھ بلوچستان بائی پاس پر 10مقامات سے کٹ لگائے گئے تھے۔

جیکب آباد کے قریبی دیہاتوں میں ابھی بھی 5 5 فٹ پانی جمع ہے جس سے علاقے میں گیسٹرو، ملیریا سمیت کئی بیماریاں پھیل رہی ہیں۔
سندھ اور بلوچستان کے زرعی علاقےڈوبنے سے گندم سمیت دیگر فصلوں کی کاشت میں مشکلات کاخدشہ ہے۔