پختونخوا کے 107 سرکاری اسکول شہدائے پشاور سے منسوب

خیبرپختونخوا حکومت نے صوبے کے107سرکاری اسکول آرمی پبلک اسکول کے شہدا سے موسوم کردیے۔


نمائندہ ایکسپریس کے مطابق خیبر پختونخوا حکومت نے پشاور کے 62، چارسدہ کے 10 اسکولوں کے نام تبدیل کیے گئے ہیں۔ فرنٹیئر کالج برائے خواتین شہیدپرنسپل طاہرہ قاضی سے منسوب کردیا گیا۔ وزیر اعلیٰ پختون خوا کی باقاعدہ منظوری کے بعد محکمہ تعلیم باقاعدہ اعلامیہ جاری کرے گا۔ ذرائع کے مطابق اسکولوں کوشہدا سے موسوم کرنے کے فیصلے سے قبل حکومتی نمائندوں نے شہدا کے والدین سے بھی رائے لی۔

واضح رہے کہ گزشتہ برس دسمبر میں آرمی پبلک اسکول پشاور پر دہشت گردوں کی جانب سے کئے جانے والے حملے میں طالب علموں سمیت 144 افراد شہید ہوگئے تھے۔