آئٹم سانگ کامیابی کی ضرورت بن گئےنئی فلموں میں بھی شامل

بھارتی فلموں میں آئٹم سانگ کی کامیابی کے بعد اب پاکستانی فلموں میں بھی آئٹم سانگ بے حد اہمیت اختیار کرگیا ہے اور یہ فلم کی کامیابی کے لیے ضرورت بن گیا ہے، آئٹم سانگ کرنے والی اداکاراؤں کو منہ مانگا معاوضہ بھی دیا جاتا ہے۔


پہلے ہمایوں سعید نے اپنی فلم ''میں ہوں شاہد آفریدی'' میں آئٹم سانگ شامل کیا جوہٹ ہوا' اس کے بعد فلم''نامعلوم افراد'' میں مہوش حیات نے آئٹم سانگ کرکے حیران کردیا' فلم'' سلطنت'' میں بھی بھارتی اداکارہ کا آئٹم نمبر بے حد مقبول ہوا۔ ان دنوں پاکستانی فلم ''جلیبی'' ، '' ہوٹل'' اور ''ہلہ گلہ'' میں بھی آئٹم سونگ شامل کرلیے گئے ہیں۔

''فلم جلیبی'' میں اداکارہ ژالے سرحدی نے بھی ایک خوبصوت آئٹم نمبرکیا ہے جب کہ پاکستانی فلم ''ہوٹل'' ''میں لکشمی ہوں'' اور ''موم بتی'' کو بھی شامل کرلیا گیا جسے ''جیسمین سنڈریلا'' نے خوبصورت انداز میں گایا۔ فلم ''ہلہ گلہ'' کا آئٹم سونگ بنکاک میں فلم بند کیا جائے گا جس کے لیے معروف کوریو گرافر پپو سمراٹ کی خدمات حاصل کرلی گئی ہیں۔