تحریک انصاف کی رہنما زہرہ شاہد کے قتل کا مرکزی ملزم کلیم گرفتار رینجرز ترجمان

سندھ رینجرز کے ترجمان نے کہا ہے کہ زہرہ شاہد قتل کیس کا مرکزی ملزم کلیم گرفتار کرلیا گیا ہے۔


سندھ رینجرز کے ترجمان کی جانب سے جاری بیان کے مطابق رینجرز نے کراچی کے علاقے تین تلوار میں کارروائی کرتے ہوئے ٹارگٹ کلر کلیم کو حراست میں لے کر اس کے قبضے سے اسلحہ برآمد کرلیا ہے۔ رینجرز کا کہنا ہے کہ کلیم تحریک انصاف کی رہنما زہرہ شاہد سمیت دیگر افراد کی ٹارگٹ کلنگ میں ملوث ہے۔

واضح رہے کہ زہرہ شاہد کو 18 مئی 2013 کو ڈیفنس میں ان کے گھر کے باہر قتل کیا گیا تھا اور تحریک انصاف کے چیرمین عمران خان نے ایم کیو ایم کو واقعے کا ذمہ دار ٹھہرایا تھا۔
https://www.dailymotion.com/video/x2jvgc5_suspect-arrested-in-zehra-shahid-case_news