بالاکوٹ میں مسافرجیپ کھائی میں گرنے سے خواتین اور بچوں سمیت 8 افراد جاں بحق
حادثے میں جاں بحق ہونے والے تمام افراد کا تعلق ایک ہی خاندان سے ہے
حادثہ ڈرائیور کی تیز رفتاری کے باعث پیش آیا، پولیس فوٹو: فائل
سنجوڑہ کے قریب مسافر جیپ کھائی میں گرنے سے خواتین اور بچوں سمیت ایک ہی خاندان کے 8 افراد جاں بحق ہوگئے۔
ایکسپریس نیوز کے مطابق بالاکوٹ سے سنگڑ جانے والی مسافر جیپ تیز رفتاری کے باعث سنجوڑہ کے قریب بے قابو ہوکر کھائی میں جاگری۔ واقعے کی اطلاع ملتے ہی پولیس اور ریسکیو ٹیمیں جائے حادثہ پر پہنچ گئیں اور زخمیوں کو کھائی سے نکال کر اسپتال منتقل کردیا،جہاں طبی عملے نے 8 افراد کی ہلاکت کی تصدیق کردی۔ حادثے میں جاں بحق ہونے والوں میں 4 خواتین بھی شامل ہیں جب کہ تمام افراد کا تعلق ایک ہی خاندان سے ہے۔
ایکسپریس نیوز کے مطابق بالاکوٹ سے سنگڑ جانے والی مسافر جیپ تیز رفتاری کے باعث سنجوڑہ کے قریب بے قابو ہوکر کھائی میں جاگری۔ واقعے کی اطلاع ملتے ہی پولیس اور ریسکیو ٹیمیں جائے حادثہ پر پہنچ گئیں اور زخمیوں کو کھائی سے نکال کر اسپتال منتقل کردیا،جہاں طبی عملے نے 8 افراد کی ہلاکت کی تصدیق کردی۔ حادثے میں جاں بحق ہونے والوں میں 4 خواتین بھی شامل ہیں جب کہ تمام افراد کا تعلق ایک ہی خاندان سے ہے۔