وزیراعظم یمن میں پھنسے پاکستانیوں کے انخلا کی خود نگرانی کر رہے ہیں سیکریٹری خارجہ

سیکریٹری خارجہ اعزاز احمد چوہدری نے کہا ہے کہ یمن میں پھنسے ہوئے پاکستانیوں کا انخلا حکومت کی اولین ترجیح ہے۔


میڈیا سے گفتگو میں انھوں نے کہا کہ وزیراعظم نواز شریف یمن میں پھنسے ہوئے پاکستانیوں کے انخلا کی خود نگرانی کر رہے ہیں۔ پاکستان کا ایک بحری جہاز (آج) جمعرات کو عدن پہنچ جائیگا جبکہ چینی بحریہ کا جہاز بھی عدن پہنچ رہا ہے۔ پاکستان کے سعودی عرب کیساتھ تاریخی تعلقات ہیں اور پاکستان کے عوام سعودی عرب کا حجاز مقدس کی وجہ سے بہت احترام کرتے ہیں۔