سعودی عرب کی سرحدوں کے دفاع میں کسی صورت پیچھے نہیں ہٹیں گے وزیر دفاع
سعودی عرب نے لڑاکا طیارے، بحری جہاز اور فوج مانگی ہے لیکن اس حوالے سے فیصلہ پارلیمنٹ میں ہی کیا جائے گا، خواجہ آصف
پاکستان مکمل طور پر سعودی عرب کی حمایت کرتا ہے،خواجہ آصف فوٹو: فائل
وزیر دفاع خواجہ آصف نے کہا ہے کہ یمن کے معاملے میں سعودی عرب نے پاکستان سے لڑاکا طیارے، بحری جہاز اور زمینی فوج مانگی ہے لیکن اس حوالے سے کوئی بھی فیصلہ عوامی خواہشات کے مطابق پارلیمنٹ میں ہی کیا جائے گا۔
پارلیمنٹ کے مشترکہ اجلاس میں پالیسی بیان دیتے ہوئے وزیر دفاع نے کہا کہ یمن سے پاکستانیوں کا محفوظ انخلا یقینی بنایا جارہاہے، یمن میں سیکیورٹی صورتحال کے پاکستان اور خطے پر گہرے اثرات مرتب ہوں گے، پاکستان یمن میں غیر ریاستی عناصر کی کارروائی کی مذمت اور سعودی عرب کی حمایت کرتا ہے۔ پاکستان کے لیے سعودی عرب کی سیکیورٹی انتہائی اہم ہے، سعودی عرب کی خود مختاری کو خطرہ ہوا تو پاکستان اس کے ساتھ کھڑا ہوگا۔ سعودی عرب نے پاکستان سے لڑاکا طیارے، بحری جہاز اور زمینی فوج مانگی ہے۔
وزیر دفاع نے مزید کہا کہ سعودی عرب مسلم امہ کے اتحاد کو فوقیت دیتا ہے، اس مسئلے کا پُرامن حل نکالنے کی ضرورت ہے، پاکستان نے مسلم ممالک سےرابطہ کیا تاکہ مسلمان ملکوں کا اتحاد برقرار رہے، وزیراعظم نواز شریف اس سلسلے میں بات چیت کے لئے ترکی گئے، جہاں دونوں ممالک نےاتفاق کیا کہ یمن کےمسئلے کا پرامن حل نکالا جائے اور مسلم امہ کو متحد کیا جائے۔ 8 اپریل کو ایرانی وزیر خارجہ پاکستان آ رہے ہیں، اس موقع پر ان سے بھی تفصیلی تبادلہ خیال ہوگا۔
خواجہ آصف نے مزید کہا کہ ہم جمہوری حکومت ہیں اور ہم منتخب ایوانوں کو اولین اہمیت دیتے ہیں، یمن کے معاملے پر کوئی بھی فیصلہ ایوان میں ہی کیا جائے گا۔ اس حوالے سے پاکستانی عوام کی خواہشات کے خلاف کوئی فیصلہ نہیں کیا جائے گا لیکن سعودی عرب کی جغرافیائی سرحدوں کے دفاع میں کسی صورت پیچھے نہیں ہٹیں گے۔ انہوں نے کہا کہ پاکستان دنیا کا واحد ملک ہے جو دہشت گردی کا براہ راست مقابلہ کررہا ہے۔ قوم کے ایک لاکھ 72 ہزار سپوت دہشت گردی کے خلاف جنگ لڑ رہے ہیں لیکن ہماری کسی نے مدد نہیں کی، ہم نے گزشتہ 14 برسوں میں 50 ہزار انسانی جانوں اور ایک سو ارب ڈالر کا نقصان برداشت کیا ہے۔ ہم دنیا کو بتا دینا چاہتے ہیں کہ ہم اپنی غیرت اور حمیت کی حفاظت کرنا جانتے ہیں اور ہم نے یہ ثابت بھی کیا ہے۔ دہشت گردی کے مکمل خاتمے تک اسے جاری رکھاجائے گا۔
https://www.dailymotion.com/video/x2lv3vi_khuaja-asif_news
پارلیمنٹ کے مشترکہ اجلاس میں پالیسی بیان دیتے ہوئے وزیر دفاع نے کہا کہ یمن سے پاکستانیوں کا محفوظ انخلا یقینی بنایا جارہاہے، یمن میں سیکیورٹی صورتحال کے پاکستان اور خطے پر گہرے اثرات مرتب ہوں گے، پاکستان یمن میں غیر ریاستی عناصر کی کارروائی کی مذمت اور سعودی عرب کی حمایت کرتا ہے۔ پاکستان کے لیے سعودی عرب کی سیکیورٹی انتہائی اہم ہے، سعودی عرب کی خود مختاری کو خطرہ ہوا تو پاکستان اس کے ساتھ کھڑا ہوگا۔ سعودی عرب نے پاکستان سے لڑاکا طیارے، بحری جہاز اور زمینی فوج مانگی ہے۔
وزیر دفاع نے مزید کہا کہ سعودی عرب مسلم امہ کے اتحاد کو فوقیت دیتا ہے، اس مسئلے کا پُرامن حل نکالنے کی ضرورت ہے، پاکستان نے مسلم ممالک سےرابطہ کیا تاکہ مسلمان ملکوں کا اتحاد برقرار رہے، وزیراعظم نواز شریف اس سلسلے میں بات چیت کے لئے ترکی گئے، جہاں دونوں ممالک نےاتفاق کیا کہ یمن کےمسئلے کا پرامن حل نکالا جائے اور مسلم امہ کو متحد کیا جائے۔ 8 اپریل کو ایرانی وزیر خارجہ پاکستان آ رہے ہیں، اس موقع پر ان سے بھی تفصیلی تبادلہ خیال ہوگا۔
خواجہ آصف نے مزید کہا کہ ہم جمہوری حکومت ہیں اور ہم منتخب ایوانوں کو اولین اہمیت دیتے ہیں، یمن کے معاملے پر کوئی بھی فیصلہ ایوان میں ہی کیا جائے گا۔ اس حوالے سے پاکستانی عوام کی خواہشات کے خلاف کوئی فیصلہ نہیں کیا جائے گا لیکن سعودی عرب کی جغرافیائی سرحدوں کے دفاع میں کسی صورت پیچھے نہیں ہٹیں گے۔ انہوں نے کہا کہ پاکستان دنیا کا واحد ملک ہے جو دہشت گردی کا براہ راست مقابلہ کررہا ہے۔ قوم کے ایک لاکھ 72 ہزار سپوت دہشت گردی کے خلاف جنگ لڑ رہے ہیں لیکن ہماری کسی نے مدد نہیں کی، ہم نے گزشتہ 14 برسوں میں 50 ہزار انسانی جانوں اور ایک سو ارب ڈالر کا نقصان برداشت کیا ہے۔ ہم دنیا کو بتا دینا چاہتے ہیں کہ ہم اپنی غیرت اور حمیت کی حفاظت کرنا جانتے ہیں اور ہم نے یہ ثابت بھی کیا ہے۔ دہشت گردی کے مکمل خاتمے تک اسے جاری رکھاجائے گا۔
https://www.dailymotion.com/video/x2lv3vi_khuaja-asif_news