کلرکہارمیں مسافر وین اور ٹرک کے درمیان تصادم سے 5 افراد جاں بحق

موٹر وے پر مسافر وین اور ٹرک کے درمیان تصادم سے 5افراد جاں بحق جب کہ 5 زخمی ہوگئے۔


ایکسپریس نیوز کے مطابق مسافر وین چکوال سے سرگودھا جا رہی تھی کہ کلر کہار کے قریب گاڑی بریک فیل ہونے پر ٹرک سے ٹکرا گئی۔ حادثے میں ڈرائیور سمیت 4 افراد موقع پر ہی جاں بحق جب کہ 6 زخمی ہوگئے۔ امدادی ٹیموں نے لاشوں اور زخمیوں کو ڈی ایچ کیو اسپتال منتقل کیا جہاں ایک اور زخمی دم توڑ گیا۔ جب کہ دیگر کی حالت بھی تشویش ناک ہے۔

اسپتال انتطامیہ کا کہنا ہے کہ حادثے میں جاں بحق ہونے والوں میں 2 خواتین بھی شامل ہیں، لاشوں کو ضابطے کی کارروائی کے بعد لواحقین کے حوالے کردیا گیا ہے۔