پردے کے پیچھے ہونےوالی سرگرمیاں فلم سے کہیں زیادہ دلچسپ ہوتی ہیں کرن جوہر

بالی ووڈ انڈسٹری میں کئی کامیاب فلمیں دینے والے ہدایت کار، پروڈیوسر اور اسکرین رائٹر کیمرے کے پس پردہ ہو نے والی سرگرمیوں پرکتاب لکھنے کے خواہشمند ہیں۔


بھارتی میڈیا کے مطابق مایہ ناز ہدایت کار کرن جوہر کیمرے کے پس پردہ ہونے والی سرگرمیوں پر کتاب لکھنے کے خواہشمند ہیں اور ان کا کہنا ہے کہ فلم بنانے کے دوران پردے کے پیچھے ہونے والی سرگرمیاں فلم سے کہیں زیادہ دلچسپ ہوتی ہیں جسے وہ کتاب کی صورت میں پیش کرنا چاہتے ہیں تاہم اس بڑے کام کے لئے وہ ابھی خود کو بہت چھوٹا سمجھتے ہیں اس لئے وہ اپنی یہ خواہش اس وقت پوری کریں گے جب وہ زندگی کا زیادہ تر حصہ گزار چکے ہوں گے۔