کراچی میں سپر ہائی وے پر ٹرک کی ٹکر سے بہن بھائی جاں بحق

لاہور:
سپر ہائی وے پر گلشن معمار موڑ کے تیز رفتار ٹرک کی ٹکر سے بہن بھائی جاں بحق ہو گئے۔


ایکسپریس نیوز کے مطابق احسن معین اپنی بہن ضاریہ کو نویں کلاس کے امتحان کے لئے اس کے سینٹر چھوڑنے جارہا تھا کہ سپر ہائی وے پر سبزی منڈی کے قریب گلشن معمار موڑ پر تیز رفتار ڈمپر نے انہیں ٹکر مار دی جس کے نتیجے میں دونوں بہن بھائی موقع پر ہی جاں بحق ہو گئے۔دونوں بہن بھائیوں کی عمریں 15 اور 17 سال بتائی جاتی ہیں۔ امدادی ٹیموں کے اہلکاروں نے لاشوں کو فوری طور پر عباسی شہید اسپتال منتقل کیا۔ ٹرک کا ڈرائیور موقع سے فرار ہونے میں کامیاب ہو گیا۔